प्रदेश नम्बर १ का वन मन्त्री शेखरचन्द्र थापाको निधन

काठमाडौँ  ,२३ कात्तिक | प्रदेश नम्बर १ सरकारका वन, वातावरण तथा भू–संरक्षणमन्त्री शेखरचन्द्र थापाको निधन भएको छ । २०७४ सालको निर्वाचनमा समानुपातिक कोटाबाट प्रदेश सांसद बनेका थापाको उपचारकै क्रममा निधन भएको हो ।

उनी आगामी निर्वाचनमा नेपाली काँग्रेसका तर्फबाट मोरङ क्षेत्र नम्बर ३ का प्रदेशसभाका उम्मेदवारसमेत थिए ।विराटनगरस्थित नोबेल अस्पतालमा उपचारको क्रममा उनको निधन भएको हो। उनको निमोनियाका कारण निधन भएको बताइएको छ।उनको काठमाडौंस्थित ह्याम्स अस्पताल २२ दिन  उपचार गरिएको थियो ।