काठमाडौँ । सांग्रिला डेभलपमेन्ट बैंकले संस्थागत सामाजिक उत्तरदायित्व (सीएसआर) अन्तर्गत दरबारमार्ग प्रहरी वृत्तलाई दुई थान कम्प्युटर तथा स्क्यानर र फोटोकपीसहितको प्रिन्टर (थ्री इन वान मेसिन) सहयोग गरेको छ ।
हालैको आन्दोलनका क्रममा भएको आगजनीका कारण प्रहरी वृत्तको कार्यालय सञ्चालनमा कठिनाइ आइरहेको अवस्थामा उक्त सहयोगले आंशिक सहजता पुर्याएको हो । बैंकका प्रमुख सञ्चालन अधिकृत अपूर्व प्रसाद जोशीले मंगलबार वृत्त इन्चार्ज प्रहरी नायव उपरीक्षक राजकुमार श्रेष्ठलाई उपकरण हस्तान्तरण गरेका थिए ।
उपरीक्षक श्रेष्ठले सहयोगप्रति आभार व्यक्त गर्दै भने, “यसले कार्यालय सञ्चालन केही सहज भएको छ, तर क्षति ठूलो भएकाले अझै थप सहयोग आवश्यक छ।”
सांग्रिला डेभलपमेन्ट बैंकले आम नागरिकको विश्वासका कारण हाल १०९ शाखा र ३० एटीएममार्फत सेवा दिइरहेको छ । संस्थागत सुशासन, जोखिम व्यवस्थापन र आन्तरिक नियन्त्रण प्रणालीमा उत्कृष्ट अभ्यासलाई प्राथमिकता दिँदै आएको बैंकले भविष्यमा पनि सेवा विस्तार र सामाजिक उत्तरदायित्वप्रति निरन्तर प्रतिवद्धता जनाउने जनाएको छ ।
सम्पादक:
लोकेन्द्र भण्डारी
समाचार संयोजक:
सुनिल आचार्य
रिपोर्टर:
अनिता बिष्ट
सरोज वोलखे
