धुलिखेल अस्पतालमा न्यूरोसर्जरी सेवा अभिवृद्धिका लागि डा. बिभुसन श्रेष्ठ र साथीहरूले पाए दोस्रो अनुदान टिमलाई अनुदान

काभ्रेपञ्लानचोक। मेडिकल कलेज अफ विस्कन्सिन (Medical College of Wisconsin) को अफिस अफ ग्लोबल हेल्थले धुलिखेल अस्पतालमा न्यूरोसर्जरी सेवा अभिवृद्धि गर्ने प्रयासमा संलग्न डा. बिभुसन श्रेष्ठ, डा. नाथन ज्वागरमन र सारा यंगलाई दोस्रो पटक अनुदान प्रदान गरेको छ। यसअघिको पहिलो अनुदानले इन्ट्राअपरेटिभ न्यूरोमोनिटरिङ प्रणाली सुदृढ बनाउने प्रशिक्षण कार्यक्रमलाई समर्थन गरेको थियो। यसै अन्तर्गत नर्स इशा श्रेष्ठले मिल्वौकी, विस्कन्सिनमा एक महिनाको प्रशिक्षण लिई धुलिखेल अस्पतालका न्यूरोसर्जरी विज्ञहरूका लागि उन्नत क्षमता अर्जन गरेकी थिइन्।

अब प्राप्त भएको दोस्रो अनुदानले नेपालका विद्यालयी बालबालिकाहरूलाई स्ट्रोकको लक्षण चिन्ने र आपतकालीन चिकित्सा सेवा (EMS) प्रणाली सक्रिय गर्ने प्रशिक्षण दिने समुदायमा आधारित शिक्षा परियोजनालाई समर्थन गर्नेछ। यस परियोजनाबाट न्यूरोलोजिकल स्वास्थ्य सुधार र न्यूरोसर्जरी सेवामा पाइने असमानता घटाउन लक्षित गरिएको छ।

यसरी अन्तर्राष्ट्रिय सहकार्यमा धुलिखेल अस्पतालले न्यूरोसर्जरी सेवाको गुणस्तर र सुगम्यता बढाउँदै आएको छ।