सन्दीप लामिछानेले बनाए विश्व कीर्तिमान

काठमाडौँ, ८ बैशाख । नेपाली क्रिकेटर सन्दीप लामिछानेले विश्व कीर्तिमान बनाएका छन् । उनी एकदिवसीय अन्तर्राष्ट्रियमा छिटो एक सय विकेट लिने विश्व कीर्तिमान बनाएका हुन् ।

सन्दीपले अफगानिस्तानका बलर राशिद खानको सबैभन्दा छिटो एक सय विकेटको विश्व कीर्तिमान तोडेका हुन् ।

एसीसी प्रिमियर लिगअन्तर्गत त्रिवि क्रिकेट मैदानमा जारी ओमानविरुद्धको खेलमा एक विकेट लिएसँगै सन्दीपले ४२ खेलबाट १०० विकेट लिएका छन् ।

राशिदले ४४ खेलमा १०० विकेटको विश्व कीर्तिमान राखेका थिए ।