रास्वपा भोट होइन काम माग्न आएको हो काम दिनुस् :बालेन शाह

काठमाडौँ । बालेन शाह ले राष्ट्रिय स्वतन्त्र पार्टी ९रास्वपा० भोट माग्नभन्दा पनि काम माग्न सुदूरपश्चिम आएको बताएका छन्। बुधबार धनगढीमा आयोजित चुनावी सभामा बोल्दै उनले सुदूरपश्चिमलाई “सु–नजिक प्रदेश” बनाउनुपर्ने आवश्यकता औँल्याए।

उनले भने, “रास्वपा यहाँ भोट माग्न आएको होइन, काम माग्न आएको हो। काम दिनुस्।” भोट नदिए पनि सुदूरपश्चिमको विकासका लागि आफूहरू प्रतिबद्ध रहने उनको भनाइ थियो। “हाम्रा उम्मेदवारलाई कामको सूची दिनुस्। भोट नदिए पनि हुन्छ, काम दिनुस्,” उनले थपे।

बालेन शाहका अनुसार रास्वपाको मुख्य एजेन्डा विपन्न नागरिकले शिक्षा र स्वास्थ्य सेवा पाउनु हो। “खल्तीमा पैसा नभएकाले पनि पढ्न पाउनुपर्छ, उपचार पाउनुपर्छ,” उनले भने।

उनले विकास निर्माणमा ढिलाइप्रति आलोचना गर्दै समयमै काम सम्पन्न हुनुपर्ने जोड दिए। “दुई वर्षमा बन्नुपर्ने सडक २० वर्षसम्म नअट्कियोस्। डेढ–दुई वर्षमै बन्नुपर्छ,” उनले बताए।

सभामा उनले राष्ट्रिय स्वतन्त्र पार्टी विकासका काम समयमै पूरा गर्ने र जनताको समस्या प्राथमिकतामा राख्ने दल भएको दाबी गरे।