समानुपातिक तर्फ रास्वपाले १० लाख मत कटायो,नेकपा माओवादी केन्द्र चौथो स्थानमा

काठमाडौँ, १२ मंसिर । रवि लामिछारास्वने नेतृत्वको राष्ट्रिय स्वतन्त्र पार्टी (रास्वपा) ले समानुपातिक तर्फ १० लाख मत कटाएको छ । मंसिर ४ गते सम्पन्न निर्वाचनको मतगणनाअनुसार रास्वपाले १० लाख ६१ हजार ७५८ मत पाएको छ ।

समानुपातिक तर्फ ठुलो दल मानिएका र सत्ता गठबन्धनसहित निर्वाचनमा होमिएको माओवादी केन्द्रलाई समेत पछि पार्दै रास्वपा तेस्रो स्थानमा छ । नेकपा एमालेले २५ लाख २५ हजार ९९ मत प्राप्त गरी अग्रस्थानमा रहेको छ भने दोस्रो स्थानमा रहेको नेपाली कांग्रेसले २३ लाख ९२ हजार २८२ मत पाएको छ ।

नेकपा माओवादी केन्द्रले समानुपातिकमा १० लाख ५६ हजार २७० मत पाएर चौथो भएको छ । जारी मतगणनाअनुसार सोमबार बिहान सर्वजनिक मतपरिणाम अनुसार समानुपातिकतर्फ राष्ट्रिय प्रजातन्त्र पार्टीले ५ लाख ४४ हजार ६३९ मत ल्याएर पाचौं स्थानमा रहेको छ

त्यस्तै जसपाले ३ लाख १९ हजार ४६८ मत पाएर छैठौं, त्यसैगरी एकिकृत समाजबादी पार्टीले २ लाख ४९ हजार २९२ मत पाएको छ ।