राष्ट्रिय वाणिज्य बैंकले सुरु गर्यो अन्तर-बैंक QR टेलर निकासी सेवा

काठमाडौं – राष्ट्रिय वाणिज्य बैंक (RBB) ले फोनपे संजालमा रहेका कुनै पनि बैंकका ग्राहकहरूले आफ्नो मोबाइल बैंकिङ एपबाट QR कोड स्क्यान गरी बैंक शाखाबाट नगद निकाल्न सक्ने नयाँ सेवा सुरु गरेको छ। “QR स्क्यान, नगद प्राप्त – सरल, स्मार्ट, निर्बाध” नाराका साथ सुरु गरिएको यो सेवाले ग्राहकहरूलाई चेक वा एटीएम कार्ड नै नचाहिँदो नगद निकासी गर्न सहज बनाएको छ।

कसरी काम गर्छ?

१. नेपालभरिका कुनै पनि RBB शाखामा जानुहोस्

२. आफ्नो मोबाइल बैंकिङ एप खोल्नुहोस्

३. टेलर काउन्टरमा रहेको QR कोड स्क्यान गर्नुहोस्

४. निकासी रकम प्रविष्ट गर्नुहोस्

५. लेनदेन प्रमाणित गर्नुहोस्

६. टेलरबाट तत्काल नगद प्राप्त गर्नुहोस्

महत्वपूर्ण विशेषताहरू:

• फोनपे संजालमा जोडिएका  बैंकका ग्राहकहरूले उपयोग गर्न सक्ने

• ATM नपुग्ने क्षेत्रका ग्राहकहरूका लागि विशेष उपयोगी

• पूर्ण डिजिटल र नकदी रहित प्रक्रिया

• प्रति लेनदेन निकासी सीमा ग्राहकको बैंकले तोके अनुसार

 बैंकले जानकारी दिए अनुसार, “यो नयाँ सेवा डिजिटल बैंकिङ समावेशीकरणको दिशामा हाम्रो ठूलो कदम हो। हामी ग्राहकहरूका लागि अझै धेरै नवीनतम सेवाहरू ल्याउने प्रतिबद्ध छौं।”

बैंकिङ विशेषज्ञहरूले यो पहललाई नेपालको डिजिटल भुक्तानी प्रणालीमा ठूलो प्रगति भनेर मूल्यांकन गरेका छन्। यो सेवाले विशेष गरी साना व्यवसायी र ग्रामीण क्षेत्रका ग्राहकहरूलाई फाइदा पु¥याउने अपेक्षा गरिएको छ।