बागमती प्रदेशमा भोलि सार्वजनिक बिदा

काठमाडौँ २३ बैशाख । बागमती प्रदेश सरकारले भोलि वैशाख २४ गते बागमती प्रदेशमा सार्वजनिक बिदा दिने भएको छ ।

वैशाख १२ गते बसेको बैठकले नेपाली भाषाको अतिरिक्त तामाङ भाषा र नेपाल भाषालाई बागमती प्रदेशको सरकारी कामकाजको भाषाको रूपमा लागू हुने दिनको अवसरमा प्रदेशका सम्पूर्ण सरकारी कार्यालयमा सार्वजनिक बिदा दिने निर्णय गरेको थियो ।

बागमती प्रदेश सरकारले वैशाख २० गते प्रदेश राजपत्रमा सूचना प्रकाशित गर्दै सार्वजनिक बिदा दिने भएको हो ।