कांग्रेसको पदाधिकारी बैठकमा सभापति देउवा उपस्थित नहुने

काठमाडौं । नेपाली कांग्रेसको आज दिउँसो १ बजे ललितपुरको एक होटलमा हुने पदाधिकारी बैठकमा सभापति शेरबहादुर देउवा उपस्थित नहुने भएका छन्। देउवा बैठकमा सहभागी नहुने भएपछि बैठकको अध्यक्षता उपसभापति पूर्णबहादुर खड्काले गर्नेछन्।

जेनजी आन्दोलन भएको भदौ २३ र २४ गतेपछि देउवा पार्टीका कुनै पनि बैठकमा सहभागी भएका छैनन्। आन्दोलनको दोस्रो दिन अर्थात् भदौ २४ गते देउवा र उनकी पत्नी आरजु राणामाथि बुढानीलकण्ठस्थित निवासमै कुटपिट भएको घटना भएको थियो। त्यसयता देउवा आन्तरिक पार्टी बैठकमा देखिएका छैनन्।