राष्ट्रपति भण्डारी आज आइसल्यान्ड भ्रमणमा जाँदै

काठमाडौँ , कात्तिक २१ | राष्ट्रपति विद्यादेवी भण्डारी आज सोमबार १७ जना प्रतिनिधिमण्डलको टोलीसहित सोमबार साँझ ६ बजे आइसल्यान्ड भ्रमणमा जाँदैछिन् । राष्ट्रपतिका प्रमुख स्वकीय सचिव डा. भेषराज अधिकारीका अनुसार महिला राजनीतिज्ञको विश्वव्यापी सञ्जाल ‘वुमन पोलिटिकल लिडर्स ९डब्लुपीएल० कार्यक्रममा सहभागी हुन राष्ट्रपति भण्डारी त्यसतर्फ प्रस्थान गर्ने भएकी हुन् ।

प्रतिष्ठित महिला राजनीतिक नेत्रीहरूका लागि दिइने यो अवार्ड विश्वका प्रमुख महिला राजनीतिज्ञहरूको उपलब्धिको कदर गर्दै वर्तमान महिला राष्ट्रपति, पूर्व महिला राष्ट्रपति तथा महिला प्रधानमन्त्रीहरूलाई हरेक वर्ष प्रदान गरिन्छ ।

दक्षिण एसियाली मुलुक नेपालमा राष्ट्रपतिजस्तो उच्च पदमा आसीन रहेर नेपाल र विश्वकै महिलाको गरिमा बढाएको ठहर गर्दै राष्ट्रपति भण्डारीलाई सो सम्मान दिन लागिएको हो । राष्ट्रपति विद्यादेवी भण्डारी एयरलाइन्सबाट कात्तिक २६ गतेस्वदेश फर्कनेछिन् ।