स्वतन्त्रको राज्य चल्ने भन्ने हुन सक्ने कुरा होइन:प्रचण्ड

काठमाडौँ, १८ जेठ । नेकपा माओवादी केन्द्रका अध्यक्ष पुष्पकमल दाहाल ले स्थानीय तहको चुनावी जितका आधारमा कांग्रेसको अ‌हंकार बढ्न सक्ने भन्दै त्यस्तो भए एमालेकै जस्तो हालत बनाइदिने चेतावनी दिएका छन् । बुधबार कमलपोखरीस्थित पार्टीबाट निर्वाचित जनप्रतिनिधिलाई प्रशिक्षण दिने कार्यक्रममा बोल्दै अध्यक्ष दाहालले कांग्रेस अहंकारी होला कि भन्ने चिन्ता बढेको बताएका हुन् ।

दाहालले विगतमा अहंकारकै कारण एमालेलाई ठेगान लगाएको भन्दै कांग्रेसलाई ठेगान लगाउने अवस्था नआओस् भनेर सचेत गराएका हुन् ।

‘देशभरबाट कांग्रेसमा पनि एमालेजस्तै दम्भ र अहंकार चुलिएको रिपोर्ट आइरहेको छ,’ उनले भने, ‘वाम गठबन्धन र एकता गरेको एमालेलाई अहंकारकै कारण ठेगान लगायौं। अहिले एमाले चैनमा छैन। एमालेजस्तै कांग्रेसलाई ठेगान लगाउने अवस्था नआओस् म कांग्रेसका साथीहरुलाई भन्न चाहन्छु।’

माओवादी कहिले कांग्रेस त कहिले एमालेसँग सहकार्य गर्नु बाध्यता र आवश्यकता भएको अध्यक्ष दाहालले बताए।

‘राष्ट्रिय आवश्यकता भनेर गठबन्धन बनाउँछौं तर बुर्जुवाहरुले व्यक्तिगत स्वार्थमा उपयोग गर्छन्,’ उनले भने, ‘यसअघि एमालेले त्यस्तै गर्‍यो। कांग्रेस त्यस्तै अहंकारी हुने हो कि चिन्ता बढेको छ।’

दाहालले गठबन्धनको विश्वास गर्दा धेरै ठाउँमा आफना पार्टीका उमेदवार हारेकोले प्रदेश र संघको चुनावमा त्यस्तो गल्ति नगर्नै बताए ।

‘हामीले आफ्नो पार्टी भन्दा धेरै ठाँउमा गठबन्धनमा भरोसा गर्‍यौैं त्यो गर्दा हामीले धेरै ठाँउमा गुमायौुं अध्यक्ष दाहालले भने,’ अब हामीले प्रदेश र संघको चुनावमा शिक्षा लिएर अघि बढ्नु पर्छ ।’

स्वतन्त्र उम्मेदवारले जित्दैमा सबै राज्य उनीहरुकै हालीमुहाली हुनेमा सतर्क हुदै शिक्षा लिनु पर्नैमा जोड दिए ।उनले अघि भने, ‘हामीले राम्रासँग काम गरेको नदेखेपछि जनताले हामीलाई सबक सिकाएको जस्तो लाग्छ । यद्यपि अब स्वतन्त्र उम्मेदवारहरुले नै देशभर जित्छन् भन्ने नभएको उनले बताए । प्रचण्डले भने, ‘स्वतन्त्रको राज्य चल्ने भन्ने हुन सक्ने कुरा होइन ।

हालै सम्पन्न स्थानीय तहको निर्वाचनबाट विजयी भएर आएका जनप्रतिनिधिलाई माओवादीले प्रशिक्षण दिन लागेको हो। पार्टी अध्यक्ष प्रचण्ड र नेता श्रेष्ठले नननिर्वाचित जनप्रतिनिधिलाई प्रशिक्षण दिने भएका छन्।प्रशिक्षण भेलामा माओवादी अध्यक्ष पुष्पकमल दाहाल प्रचण्ड, नारायणकाजी श्रेष्ठ, कृष्णबहादुर महरा, वर्षमान पुन, दीनानाथ शर्मा, लीलामणि पोखरेललगायतका शीर्ष नेता उपस्थित छन्।स्वतन्त्रको