अस्ट्रेलियाको होटेलमा हेलिकप्टर दुर्घटना हुँदा पाइलटको मृत्यु

काठमाडौं , २८ साउन ।अष्ट्रेलियाको क्विन्सल्याण्डस्थित केन्स शहरको एक होटलको छतमा हेलिकप्टर ठोक्किएर दुर्घटना भएको छ । दुर्घटनामा परि पाइलटको मृत्यु भएको छ । दुर्घटना सोमबार बिहान १स्५० बजे भएको थियो । हेलिकप्टरमा एक जना मात्र सवार थिए ।

प्रहरीका अनुसार हेलिकप्टर दुर्घटना भएपछि आगलागी भएकाले होटलबाट करिब ४०० जनालाई बाहिर निकालिएको थियो । होटलका ८० र ७० वर्षका दुई जना पाहुनालाई अस्पताल भर्ना गरिएको छ । उनीहरुको अवस्था सामान्य छ ।

हेलिकप्टर चार्टर गर्ने कम्पनीले यो अनधिकृत उडान रहेको बताएको छ। प्रत्यक्षदर्शीका अनुसार पानी परिरहेका बेला हेलिकप्टर बत्ती नबाली निकै तलबाट आएको थियो र होटलको छतमा ठोक्किएको थियो ।