सप्तरीमा बस दुर्घटना हुँदा एक जनाको घटनास्थलमै मृत्यु , २६ जना घाइते

काठमाडौँ , ४ कात्तिक । आज बिहान सप्तरीको  कञ्चनरुप नगरपालिका बरमझियामा बस दुर्घटना हुँदा एक जनाको घटनास्थलमै मृत्यु भएको छ भने २६ जना घाइते भएका छन् । दुर्घटनामा उदयपुरकी २१ वर्षीया मैया राईको मृत्यु भएको प्रहरीले जनाएको छ ।

कञ्चनपुरस्थित इलाका प्रहरी कार्यालयका अनुसार दुर्घटनामा परी आठ जना गम्भीर घाइते भएका छन् । उनीहरूलाई उपचारका लागि विराटनगर पठाइएको छ । अन्य घाइते १८ जनाको उपचार स्थानीय धर्मेश्वर अस्पतालमा भइरहेको छ ।