इरानका नयाँ सर्वोच्च नेतालाई उत्तर कोरियाको पूर्ण समर्थन

काठमाडौँ । उत्तर कोरियाले इरानमा नयाँ सर्वोच्च नेताको रूपमा मोज्तबा खामेनी चयन भएकोमा समर्थन जनाएको छ। सरकारी समाचार एजेन्सी कोरियाली केन्द्रीय समाचार एजेन्सी ९केसीएनए० का अनुसार उत्तर कोरियाको विदेश मन्त्रालयले इरानी जनताले आफ्नो नेता छान्ने अधिकारको सम्मान गर्ने बताएको छ।

मोज्तबा खामेनी पूर्व सर्वोच्च नेता अयातोल्लाह अली खामेनीका छोरा हुन्। उनी हालै सुरु भएको अमेरिका–इजरायल आक्रमण इरानमा २०२६का क्रममा मारिएका बताइएको छ।

उत्तर कोरियाले संयुक्त राज्य अमेरिका र इजरायलले इरानमाथि गरेको सैन्य आक्रमणको कडा आलोचना गर्दै यसले क्षेत्रीय शान्ति र सुरक्षामा खतरा पैदा गरेको जनाएको छ। विदेश मन्त्रालयका प्रवक्ताले यस्तो आक्रमण अन्तर्राष्ट्रिय नियमविरुद्ध भएको र यसले मध्यपूर्वमा अस्थिरता बढाएको बताएका छन्।

यसअघि पनि उत्तर कोरियाले इरानमाथि भएको आक्रमणलाई “गुण्डा जस्तो व्यवहार” भन्दै आलोचना गरेको थियो। यता किम जोङ उनले उत्तर कोरियाको सबैभन्दा ठूलो नौसेना विनाशक जहाज “चो ह्योन” बाट रणनीतिक क्रूज मिसाइल परीक्षणको निरीक्षण गरेका छन्। सरकारी मिडियाका अनुसार यो देशको पछिल्लो सैन्य अभ्यासको हिस्सा हो।