कक्षा १२ को नयाँ वार्षिक परीक्षा तालिका सार्वजनिक,तालिकासहित

भक्तपुर। राष्ट्रिय परीक्षा बोर्ड, परीक्षा नियन्त्रण कार्यालय कक्षा ११ र १२, सानोठिमी, भक्तपुरद्वारा प्रकाशित कक्षा १२ को वार्षिक (सैद्धान्तिक) परीक्षा तालिका हो । परीक्षाहरू २०८२ साल वैशाख २१ गते आइतबारदेखि शुरू भई २०८२ जेठ १ गते बिहीबारसम्म सञ्चालन हुने छन् । परीक्षा बिहान ११:०० बजेबाट शुरू हुनेछ ।

तालिका अनुसार, वैशाख २१ गतेका दिन नियमित विद्यार्थीहरूको लागि अनिवार्य अङ्ग्रेजी, संस्कृत रचना, बौद्ध शिक्षा, उर्दू व्याकरण तथा साहित्य, र कम्प्युटर साइन्सजस्ता विषयहरूको परीक्षा हुने छ । वैशाख २२ गते सोमबारका दिन नन-रुमिनेन्ट्स प्रोडक्सन एण्ड म्यानेजमेन्ट, इन्डस्ट्रियल क्रप प्रोडक्सन, स्विच गियर एण्ड प्रोटेक्सन, मेकानिक्स अफ स्ट्रक्चर, भिजुअल प्रोग्रामिङ्ग आदि विषयहरूको परीक्षा तोकिएको छ ।

त्यसैगरी, वैशाख २४ गते अनिवार्य नेपाली, गणित, सामाजिक शिक्षा (प्राविधिक धार), मानव अधिकार, पुस्तकालय तथा सूचना विज्ञान, वातावरण विज्ञान, गृह विज्ञान, वित्त, सहकारी व्यवस्थापन, होटल व्यवस्थापन लगायत धेरै विषयहरूको परीक्षा हुनेछ । वैशाख २६ गते अनिवार्य गणित र प्राविधिक धारको लागि भौतिकशास्त्रको परीक्षा तोकिएको छ ।

वैशाख २८ गते आइतबार सामान्य धारको लागि भौतिकशास्त्र, प्राविधिक धारको लागि रसायनशास्त्र, ग्रामीण विकास, मनोविज्ञान, लैङ्गिक अध्ययन, आतिथ्य व्यवस्थापन, न्यातुरोप्याथी लगायतका विषयको परीक्षा हुनेछ । वैशाख ३० गते मंगलबार पशुपंक्षी तथा माछा पालन, वैकल्पिक नेपाली, मैथिली, जर्मन, जापानीज, कोरियन, जीवविज्ञान (प्राविधिक), रसायनशास्त्र (सामान्य) लगायतका विषयहरू समावेश गरिएका छन् ।

जेठ १ गते अन्तिम दिन संस्कृत भाषा तथा व्याकरण, लेखा, तथा गणित (प्राविधिक धार) सम्बन्धी विषयहरूको परीक्षा हुनेछ ।

यस तालिकामा समावेश विषयहरू मानविकी, विज्ञान, व्यवस्थापन, कानुन, कृषि, प्राविधिक, स्वास्थ्य आदि सबै धारका विद्यार्थीहरूको लागि विस्तृत रूपमा छुट्टाएर उल्लेख गरिएको छ ।