बहारइन माथि नेपालको शानदार जित हासिल

काठमाडौँ, ६ असार । एसीसी महिला टी–ट्वेन्टी च्याम्पियनसीपमा नेपालले बहारइन माथि शानदार जित हासिल गरेको छ ।

मलेसियाको किनरारा ओभलमा भएको खेलमा नेपालले बहारइनलाई ८ विकेटले पराजित गरेको छ ।

टस हारेको बहारइनले ६ विकेटको क्षतिमा १४ रन बनाएको थियो। १५ रनको विजयी लक्ष्य लिएर ब्याटिङमा उत्रेको नेपालले २ विकेटको क्षतीमै जित हासिल गरेको हो । जितसँगै नेपाल सेमिफाइनलमा प्रवेश गरेको छ ।

आज खेल वर्षाले प्रभावित भएपछि ७ ओभरमा छोट्याइएको थियो।

समूह ‘बी‘ मा रहेको नेपाल शीर्ष स्थानमा रहेको छ। नेपालले ३ खेलमा ६ अंक जोडेको छ। नेपालले अन्तिम खेल भोलि हङकङसँग खेल्नेछ।

आजै भएको अर्को खेलमा युएईले आयोजक मलेसियालाई ३१ रनले पराजित गरेको छ।