काठमाडौँ। नेपाल टेलिकमले आफ्ना जीएसएम प्रिपेड सिमकार्ड प्रयोगकर्ताका लागि अनलाइन केवाईसीअपडेट सेवा देशभर उपलब्ध गराएको छ। कम्पनीले गत पुस २२ गते सुन्धरा दूरसञ्चार कार्यालयमा परीक्षणका रूपमा यस सुविधा शुभारम्भ गरेको थियो भने २०८२ माघ २२ देखि कम्पनीको २२औँ वार्षिकोत्सव अवसरमा देशभरका सबै कार्यालयबाट ग्राहकहरूले अनलाइनमार्फत आफ्नो विवरण अद्यावधिक गर्न सक्ने व्यवस्था गरेको छ।
यस सुविधा अनुसार ग्राहकहरूले आफ्नो नाम, ठेगाना, र अन्य व्यक्तिगत विवरणहरु अनलाइन कस्टमर लगइन पोर्टलमार्फत अद्यावधिक गर्न सक्नेछन्। विवरण भर्दा मोबाइल नम्बरमा प्राप्त OTP प्रयोग गर्नुपर्नेछ र साथै धेरै कल गर्ने पाँच वटा मोबाइल नम्बर पनि पोर्टलमा राख्नुपर्नेछ।
सबै विवरण भरिसकेपछि प्रमाणीकरणका लागि नजिकैको नेपाल टेलिकम कार्यालय वा ग्राहक सेवा केन्द्रमा सम्पर्क गर्नुपर्ने हुन्छ। प्रमाणीकरणपछि कम्पनीको प्रणालीले विवरण प्रमाणित गरी अद्यावधिक गर्नेछ। यस सुविधाले हालसम्म व्यक्तिगत विवरण अद्यावधिक नगरेका धेरै ग्राहकलाई सजिलो बनाउनेछ र अन्य सरकारी निकायमा समेत विवरण अद्यावधिक राख्न सहयोग पुग्ने अपेक्षा गरिएको छ।
सम्पादक:
लोकेन्द्र भण्डारी
समाचार संयोजक:
सुनिल आचार्य
रिपोर्टर:
अनिता बिष्ट
सरोज वोलखे
