बिदामा पनि पठनपाठन गर्न शिक्षा मन्त्रालयको आग्रह

काठमाडौँ , १ जेठ । शिक्षा, विज्ञान तथा प्रविधि मन्त्रालयले विद्यालय बन्द हुने बिदाको समयमा पनि विद्यार्थीहरूलाई पठनपाठनमा  गर्न सामुदायिक विद्यालयलाई अनुरोध गरेको छ ।  मन्त्रालयले विज्ञप्ति जारी गर्दै विस २०८१ चैत महिनामा सञ्चालन गरिएको शिक्षक तथा कर्मचारीको काठमाडौँ केन्द्रित आन्दोलनका कारण सामुदायिक विद्यालयका विद्यार्थी भर्ना एवं पठनपाठनलगायत कार्यमा पर्न गएकाले यस्तो अनुरोध गरेको जनाएको छ । मन्त्रालयलले विद्यालयको अनुकूलताअनुसार हिउँदे अथवा वर्षे बिदाको अवधिमा पनि पठनपाठन गर्न सामुदायिक विद्यालयलाई अनुरोध गरेको छ ।

यस्तो समयमा पनि विद्यार्थीहरूलाई सिकाइ प्रक्रियाबाट टाढा नराख्न मन्त्रालयले अभिभावक, शिक्षक र विद्यालय प्रशासनलाई विशेष ध्यान दिन भनेको हो। साथै, विद्यालयहरूले समेत विद्यार्थीलाई गृहकार्य, अभ्यास सामग्री वा डिजिटल पाठ्यक्रम उपलब्ध गराएर उनीहरूलाई नियमित सिकाइमा जोडिन प्रेरित गर्न सक्ने मन्त्रालयको भनाइ छ। यस्ता प्रयासले विद्यार्थीहरूको पठनपाठनमा नियमितता कायम रहने र नयाँ शैक्षिक सत्रमा फर्किंदा सिकाइमा ठूलो खालको अन्तर नपर्ने अपेक्षा गरिएको छ।