इजरायल र गाजा युद्धविरामको अन्तिम चरणमा

काठमाडौँ , माघ २ । इजरायल र हमास बीच गाजा युद्धविराम र बन्धक विनिमय सम्झौताको लागि वार्ता मङ्गलबार तीव्रताका साथ जारी रह्यो, दुबै पक्षका अधिकारीहरू र मध्यस्थता गर्ने देशहरूले अनुमान गरे कि १५ महिनाको युद्ध अन्त्य गर्ने ऐतिहासिक सम्झौतालाई अन्तिम रूप दिइएको छ । बिबिसीका अनुसार पक्राउको क्रममा यूनको निवासबाहिर समर्थक र आलोचक दुवैको बाक्लो भीड देखिएको थियो । साथै प्रहरीले समेत एक हजारभन्दा बढी अधिकारीहरू तैनाथ गरेको थियो ।

युद्धविराम र बन्धकको रिहाइसम्बन्धी सम्झौतालाई अन्तिम रूप दिन इजरायल र हमासका प्रतिनिधिबीच कतारको राजधानी दोहामा मंगलबार वार्ता भएको थियो । इजरायलको च्यानल ज्ञद्द समाचारले सोमबार रिपोर्ट गरेको छ कि जेरुसेलमले यसलाई व्यापक रूपमा स्वीकार्य मानेको छ, र वरिष्ठ इजरायली अधिकारीहरूले भने कि उनीहरू हमासको प्रतिक्रियाको लागि पर्खिरहेका थिए। एसोसिएटेड प्रेसले मंगलबार रिपोर्ट गरेको छ कि हमासले पनि सम्झौतालाई स्वीकार गरेको छ गाजामा युद्धविरामका लागि अमेरिका, कतार र इजिप्ट लामो समयदेखि सक्रिय थिए । ४८ हजारभन्दा बढीको ज्यान गएपछि दुवै पक्ष युद्धविरामका लागि तयार भएका हुन् ।

बीबीसीका अनुसार दोहास्थित एउटै भवनमा रहेका इजरायल र हमासका प्रतिनिधिबीच अप्रत्यक्ष वार्ता भएको थियो । कतारका प्रधानमन्त्री शेख मोहम्मद बिन अब्दुल रहमान अल थानीले गराएको वार्तामा इजरायलको प्रतिनिधित्व गुप्तचर एजेन्सी मोसादका प्रमुख डेभिड बर्निया र आन्तरिक सुरक्षा एजेन्सी शिन बेटका निर्देशक रोनेन बारले गरेका थिए ।