आईजीपी नियुक्ति प्रकरण:सर्वोच्चले विश्वराज पोखरेलले दायर गरेको रिट खारेज

काठमाडौँ ३१ असार  |सर्वोच्च अदालतले एआईजी विश्वराज पोखरेलको रिट निवेदन खारेज गरिदिएको छ। नेपाल प्रहरीको महानिरीक्षकमा धिरजप्रताप सिंहलाई गरिएको नियुक्तिविरुद्ध एआईजी विश्वराज पोखरेलले दायर गरेको रिट सर्वोच्च अदालतले खारेज गरेको छ ।

आफू भन्दा जुनियरलाई सरकारले आईजिपी बनाएको भन्दै विश्वराजले मुद्धा हालेका थिए । कामु प्रधानन्यायाधीश दीपककुमार कार्की र न्यायाधीश कुमार चुँडालको संयुक्त इजलासले विश्वराज पोखरेलको रिट खारेज गर्दै आईजीपी नियुक्ति कानूनसम्मत भएको फैसला गरेको हो ।

इजालसले सिंहलाई आईजीपी नियुक्त गर्ने सरकारको निर्णय कानुनसम्मत भएको पनि ठहर गरेको छ।उनी १८ बैशाखदेखि नै बिदामा छन् ।