काठमाडौं । हिमालयन लाइफ इन्स्योरेन्स म्युचुअल फण्डअन्तर्गत सञ्चालन हुने एचएलआई लार्ज क्याप फण्ड (HLI Large Cap Fund) को इकाई बिक्री आजदेखि सर्वसाधारणका लागि खुला भएको छ।
जीवन बीमा क्षेत्रका एक प्रमुख संस्थाको प्रवद्र्धनमा आएको यस योजनाले लगानीकर्ताहरूमाझ पूँजी बजारमा नयाँ अवसर ल्याएको छ।
कुल ४० करोड इकाईमध्ये ५० प्रतिशत अर्थात् २० करोड इकाई कोष प्रवद्र्धक हिमालयन लाइफ इन्स्योरेन्स ले बीजपूँजीबापत सुरक्षित राखेको छ भने बाँकी २० करोड इकाई सर्वसाधारण लगानीकर्तामाझ सार्वजनिक रुपमा निष्कासन गरिएको हो।
यसबाट आम लगानीकर्तालाई प्रत्यक्ष रुपमा फाइदा हुने अपेक्षा गरिएको छ।
यस योजनामा लगानी गर्न इच्छुक सर्वसाधारणले न्यूनतम १०० कित्ता देखि अधिकतम ४ करोड इकाइसम्म आवेदन दिन सक्नेछन्।
आवेदनको प्रक्रिया नेपाल धितोपत्र बोर्डबाट अनुमति प्राप्त बैंक तथा वित्तीय संस्थाहरु (आस्वा सदस्य) मार्फत गर्न सकिने व्यवस्था मिलाइएको छ।
यसरी, लगानीकर्ताले आफ्नो नजिकैको कुनै पनि आस्वा सेवा प्रदान गर्ने कार्यालयमार्फत सहज रुपमा इकाई किन्न सक्नेछन्।
इकाई बिक्री अवधि छिटोमा भदौ १८ गतेसम्म रहनेछ भने माग अधिक भएमा अधिकतम भदौ २९ गतेसम्म आवेदन दिन सकिनेछ।
समयसीमाभित्र आवेदन दिने लगानीकर्ताले यस योजनाबाट लामो अवधिको स्थिर लाभांश र पूँजी वृद्धिको अवसर पाउने अपेक्षा गरिएको छ।
हिमालयन इन्भेष्टमेन्ट बैंकर लिमिटेड यस योजनाको धितोपत्र निष्काशन तथा बिक्री प्रबन्धकको भूमिकामा रहेको छ।
कम्पनीले यसअघि पनि विभिन्न म्युचुअल फण्ड योजनामा व्यवस्थापकको जिम्मेवारी सम्हाल्दै आएको अनुभवले यस योजनामा पनि लगानीकर्ताले उच्च स्तरको व्यवस्थापन पाउने विश्वास व्यक्त गरिएको छ।
म्युचुअल फण्डको यस्तो सार्वजनिक निष्कासनले नेपाली पूँजी बजारमा तरलता अभिवृद्धि गर्ने मात्र नभई सर्वसाधारण नागरिकलाई पनि पूँजी बजारमा सहभागिता जनाउन प्रेरित गर्ने बताइएको छ।
लामो अवधिमा सुरक्षित तथा स्थिर आम्दानी चाहने लगानीकर्ताका लागि यो फण्ड महत्वपूर्ण अवसर सावित हुने विज्ञहरुको भनाइ छ।
सम्बन्धित विवरण
योजना प्रवद्र्धकः हिमालयन लाइफ इन्स्योरेन्स
योजना व्यवस्थापकः हिमालयन इन्भेष्टमेन्ट बैंकर लिमिटेड
न्यूनतम आवेदनः १०० कित्ता
अधिकतम आवेदनः ४ करोड इकाई
बिक्री अवधि समाप्त हुने मिति: भदौ १८ (छिटोमा), भदौ २९ (ढिलोमा)
सम्पादक:
लोकेन्द्र भण्डारी
समाचार संयोजक:
सुनिल आचार्य
रिपोर्टर:
अनिता बिष्ट
सरोज वोलखे
