सन्दीप लामिछानेविरुद्धको मुद्दामा आज पनि भएन सुनुवाइ 

काठमाडौँ, २२ चैत ।  नेपाली राष्ट्रिय क्रिकेट टोलीका पूर्व कप्तान सन्दीप लामिछानेविरुद्धको मुद्दामा आजको  पेसी  स्थगित भएको छ । न्यायाधीश केशवप्रसाद घिमिरेको इजलासमा लामिछानेको मुद्दा १२औँ नम्बरमा परेको थियो ।

यसअघि चैत १३ गते पनि अन्तिम सुनुवाइका लागि पेसी तोकिएको थियो । न्यायाधीश माधवप्रसाद घिमिरेको इजलासमा परेको पेसी लामिछानेकै कानुन व्यवसायीले स्थगित गराएका थिए ।

सर्वोच्च अदालतले लामिछानेविरुद्धको जबरजस्ती करणी मुद्दा ‘फास्ट ट्रयाक’बाट सकाउन आदेश दिए दिदै विदेश जान पाउने फुकुवा गरेको थियो ।

लामिछानेविरुद्ध नाबालिग बालिकालाई बलात्कार गरेको अभियोग छ ।