सुनको मूल्य स्थिर,चाँदी भने घट्यो

काठमाडौँ , ५ वैशाख ।  आज मंगलबार सुनको मूल्य स्थिर रहयो भने चाँदीको मूल्य घटेको छ ।

नेपाल सुनचाँदी व्यवसायी महासंघका अनुसार आज छापावाल सुन प्रतितोला एक लाख १० हजार रूपैयाँमा कारोबार कारोबार भइरहेको छ ।

तेजावी सुन प्रतितोला एक लाख ९ हजार ५ सय रूपैयाँमै कारोबार भइरहेको छ ।

चाँदीको मूल्यमा भने मंगलबारको भन्दा १५ रूपैयाँले घटेर १ हजार ४३५ रूपैयाँमा कारोबार भइरहेको महासंघले जनाएको छ ।