सुनको मूल्य हालसम्मकै उच्च विन्दुमा

काठमाडौँ, असोज ६। लगातार बढिरहेको सुनको मूल्यले आज नेपाली बजारमा पुनः नयाँ रेकर्ड कायम गर्न सफल भएको छ। नेपाल सुनचाँदी व्यवसायी महासङ्घका अनुसार आज तोलामा एक हजार सात सय रूपैयाँले बढेको छ। शुक्रबार प्रतितोला एक लाख ५७ हजार एक सयमा कारोबार भएको छापावाला सुन आजका लागि एक लाख ५८ हजार आठ सय रूपैयाँमा कारोबार भइरहेको छ।

यस्तै चाँदीको मूल्य तोलामा पाँच रूपैयाँ बढेको छ। शुक्रबार चाँदी प्रतितोला एक हजार नौ सय १५ रूपैयाँमा कारोबार भएकोमा आज प्रतितोला एक हजार नौ सय २० रूपैयाँ पुगेको नेपाल सुनचाँदी व्यवसायी महासंघले जानकारी दिएको छ।