घट्यो सुनको मूल्य, आज कतिमा हुँदैछ कारोबार ?

काठमाडौं, मङ्सिर १६ । आज नेपाली बजारमा सुन–चाँदीको मूल्य घटेको छ। नेपाल सुनचाँदी व्यवसायी महासंघका अनुसार आज छापावाल सुन प्रतितोला एक लाख ५० हजार पाँच सय रूपैयाँमा कारोबार भइरहेको छ।

शुक्रबार छापावाल सुन प्रतितोला एक लाख ५० हजार नौ सय रूपैयाँमा कारोबार भएको थियो। शुक्रबारको तुलनामा आज छापावाल सुन प्रतितोला चार सय रूपैयाँ घटेको हो।

यसैगरी, आज चाँदीको मूल्य पनि घटेको छ। शुक्रबार प्रतितोला एक हजार आठ सय ४५ रूपैयाँमा कारोबार भएको चाँदी आज एक हजार आठ सय ४० रूपैयाँमा कारोबार भइरहेको महासंघले जनाएको छ।