सुनको मूल्य घट्यो ,कतिमा हुँदैछ कारोबार ?

काठमाडौँ, जेठ २० । आज नेपाली बजारमा सुन–चाँदीको मूल्य घटेको  छ। नेपाल सुनचाँदी व्यवसायी महासंघका अनुसार आज छापावाल सुन प्रतितोला एक लाख ४२ हजार रूपैयाँ र तेजाबी सुन प्रतितोला एक लाख ४१ हजार तीन सय रूपैयाँमा कारोबार भइरहेको छ।

आज प्रतितोला दुई सय रूपैयाँ घटेको छ। शुक्रबार छापावाल सुन प्रतितोला एक लाख ४२ हजार दुई सय रूपैयाँ र तेजाबी सुन प्रतितोला एक लाख ४१ हजार पाँच सय रूपैयाँमा कारोबार भएको थियो।

आज चाँदी प्रतितोला २५ रूपैयाँ घटेको छ । आज चाँदी प्रतितोला एक हजार आठ सय ५० रूपैयाँमा कारोबार भइरहेको महासंघले जानकारी दिएको छ।