सुनको मूल्यमा सामान्य गिरावट

काठमाडौं, २३ जेठ  | आज नेपाली बजारमा आज सुन–चाँदीको मूल्य घटेको छ। नेपाल सुनचाँदी व्यवसायी महासंघका अनुसार आज छापावाल सुन प्रतितोला एक लाख ४२ हजार दुई सय रूपैयाँ र तेजाबी सुन प्रतितोला एक लाख ४१ हजार पाँच सय रूपैयाँमा कारोबार भइरहेको छ। हिजोको तुल्नामा आज प्रतितोला पाँच सय रूपैयाँले घटेको छ ।

मंगलबार छापावाल सुन प्रतितोला एक लाख ४२ हजार सात सय रूपैयाँ र तेजाबी सुन प्रतितोला एक लाख ४२ हजार रूपैयाँमा कारोबार भएको थियो ।

त्यसैगरी, आज बुधबार चाँदीको मूल्य पनि घटेको छ। मंगलबार प्रतितोला १८ सय ६० रूपैयाँमा कारोबार भएको चाँदी आज ३५ रूपैयाँ घटेर १८ सय २५ रूपैयाँमा कारोबार भइरहेको महासंघले जनाएको छ।