काठमाडौं । शिक्षा, विज्ञान तथा प्रविधि मन्त्रालयले जेन जेड आन्दोलनकी घाइते एकता शाह लाई नि:शुल्क एमबिबीएस पढाउने निर्णय नियमविपरीत नभएको स्पष्ट पारेको छ।
एमबिबीएस छात्रवृत्ति सामान्यतया ‘मेरिट’ र कानुनी मापदण्डका आधारमा दिइन्छ। यस वर्ष सिट छनोट प्रक्रिया सकिइसकेपछि शाहलाई छात्रवृत्ति दिइएको भन्दै विवाद भएको थियो। तर मन्त्रालयले यो सामान्य कोटाबाट नभई विशेष “अतिरिक्त कोटा” अन्तर्गत दिइएको जनाएको छ।
मन्त्रालयका अनुसार सरकारले छुट्टै बजेट व्यवस्था गरेर यो निर्णय गरेको हो, जसले अन्य विद्यार्थीको अवसरमा कुनै असर नपर्ने बताइएको छ। साथै, जेन जेड आन्दोलनका क्रममा घाइते र अपांगता भएका व्यक्तिलाई सहयोग गर्ने कार्यविधिअनुसार नै यो निर्णय गरिएको मन्त्रालयको भनाइ छ।
शाहले एमबिबीएस प्रवेश परीक्षामा ५७.५ प्रतिशत अंक ल्याएर उत्तीर्ण गरेकी थिइन्। मन्त्रिपरिषद्ले चैत १ गते उनलाई अतिरिक्त छात्रवृत्तिमा अध्ययन गराउने निर्णय गरेको थियो।
सम्पादक:
लोकेन्द्र भण्डारी
समाचार संयोजक:
सुनिल आचार्य
रिपोर्टर:
अनिता बिष्ट
सरोज वोलखे
