पूर्व मिस अर्जेन्टिना र पूर्व मिस पोर्टो रिकोले विवाह गरे

एजेन्सी । पूर्व मिस अर्जेन्टिना र पूर्व मिस पोर्टो रिकोले   विवाह गरेका छन् । २०२० की मिस अर्जेन्टिना मरियाना भरेला र सोही वर्षकी मिस पुर्टो रिको बनेकी फाबिओला भ्यालेन्टिनले गत अक्टोबर २८ मा विवाह गरेका हुन् ।

बुधबार बेलुका उनीहरुले  इन्स्टाग्राममार्फत विवाह गरेको सार्वजनिक गरेका थिए ।सौन्दर्य प्रतियोगिताको अन्तिम १० मा स्थान बनाएका उनीहरू त्यसपछि नजिकिएका थिए ।  डेढ वर्षदेखि उनीहरु प्रेम सम्बन्धमा थिए ।

उनीहरुले आफूहरूले बिताएका प्रेमिल क्षणहरूको भिडिओ सेयर गर्दै  विवाह गरेको जानकारी दिएका हुन् ।