परराष्ट्रमन्त्री खड्का आज चीन भ्रमण  जाँदै

काठमाडौँ २४ साउन |परराष्ट्रमन्त्री डा. नारायण खड्का आज मंगलबार साँझ चीन भ्रमणमा  जाँदैछन्। चिनियाँ विदेशमन्त्री वाङ यीको निमन्त्रणामा मन्त्री खड्का तीन दिने भ्रमणका लागि जान लागेको हुन ।चिनियाँ समकक्षी वाङ यीसँग बुधबार चीनको सान्तोङ प्रान्तको छिङ्ताओमा भेट्ने कार्यक्रम रहेको छ ।

परराष्ट्रमन्त्री खड्काको भ्रमण ‘दुई मुलुकबीच विश्वासको वातावरण बढाउन’ केन्द्रित रहने छ। उनी बिहीबार स्वदेश फर्किने कार्यक्रम छ।देउवाको सरकार बनेको १३ महिनामा नेपालबाट चीनमा पहिलो पटक मन्त्रीस्तरीय भ्रमण जान लागेका हुन्।