एमाले र जसपाबिच चुनावी तालमेल

काठमाडौँ  , असोज २२ |उपेन्द्र यादव नेतृत्वको जनता समाजवादी पार्टी (जसपा)ले नेकपा एमालेसँग चुनावी तालमेल गरेको छ । एमालेसँगको तालमेलमा जसपाले १७ सिट पाउने भएको छ ।

एमाले अध्यक्ष केपी शर्मा ओली र जसपा अध्यक्ष उपेन्द्र यादवले सहमतिपत्रमा हस्ताक्षर गरेका छन् ।सत्तारुढ गठबन्धनले जसपालाई २२ सिट पाउने  निधो गरेको थियो । तर जसपाले ३२ सिट दाबी गरेको थियो ।

सहमतिअनुसार एमालेले जसपालाई प्रतिनिधि सभामा प्रदेश नम्बर १ मा दुई सिट, मधेस प्रदेशमा १४ सिट, लुम्बिनी प्रदेशमा एक सिटमा सघाउने छ ।