नागरिकलाई नतर्साउनुस् , मैले यत्ति धेरै तन्नेरीहरु आत्तिएको कहिल्यै देखेको थिइनँ :महामन्त्री थापा

काठमाडाैँ, चैत ९  । नेपाली कांग्रेसका महामन्त्री गगनकुमार थापाले  प्रधानमन्त्री नडराएसम्म जनता डरबाट मुक्त हुन नसक्ने बताएका छन् । सामुदायिक रेडियो प्रसारक सङ्घको कार्यक्रमलाई सम्बोधन गर्दै महामन्त्री थापाले यस्तो बताएका हुन् ।प्रधानमन्त्रीले नागरिक तर्साउने कुरामा नलागी नागरिक र देश विकासका लागि कसरी अघि बढ्ने भन्ने सोच्नुपर्ने  धारण व्यक्त गरे ।

महामन्त्री थापाले प्रधानमन्त्रीले आफूसँग पर्याप्त मत छ भनेर बस्ने छुट नरहेको बताए ।  उनले भने, ‘म साँच्चिकै डराएको छु, मैले प्रधानमन्त्रीलाई पटक पटक भनेको छु, नागरिकलाई नतर्साउनुस् । तर प्रधानमन्त्री एक्लै बस्दा डराउनुपर्ने बेला भएको छ । एक्लै बिहान–बेलुका बस्दै गर्दा डराउनुपर्ने बेला भएको छ,’ ।नागरिकलाई नतर्साउन  र   आत्तिएको तन्नेरीहरुलाई संहाल्न  आग्रह गरे  ।

दिनमा कम्तिमा आधा घण्टा समय निकालेर , भेटघाट बन्द गरेर र एक पटक सोच्न थापाले  प्रधानमन्त्रीलाई आग्रह गरे  । साथै  भ्रामक समाचारको प्रवाह रोक्न र समुदायलाई गलत सूचनाबाट जोगाउन सामुदायिक रेडियोको भूमिका महत्वपूर्ण  रहेको महामन्त्री थापाले बताए ।