डोनाल्ड ट्रम्प अमेरिकाका ४७ औं राष्ट्रपति, जीवनको यात्रा

एजेन्सि ।अमेरिकी जनताले रिपब्लिकन उम्मेदवार डोनाल्ड ट्रम्पलाई आफ्नो नयाँ राष्ट्रपति चुनिएको छ। ट्रम्पले यसअघि २०१६ को चुनावमा पनि जित हासिल गरेर पहिलो पटक अमेरिकाको राष्ट्रपति बनेका थिए। अहिले यो उनको दोस्रो कार्यकाल हुनेछ।

ट्रम्प, जो आफ्नो अनौठो शैली र विवादास्पद व्यक्तित्वका कारण सधैं मिडियामा चर्चामा रहन्छन्, पहिले एक प्रमुख अर्बपति र व्यवसायी थिए। उनका पिताले, फ्रेड ट्रम्पले, उनलाई न्यूयोर्कका चर्चित घर-जग्गा व्यवसायीको रूपमा प्रशिक्षित गरेका थिए।

ट्रम्पको प्रारम्भिक जीवन र शिक्षा

डोनाल्ड ट्रम्पको जन्म १४ जुन १९४६ मा न्यूयोर्क सिटीमा भएको थियो। उनी न्यूयोर्कका प्रख्यात घर-जग्गा व्यवसायी फ्रेड ट्रम्पका पाँच सन्तानमध्ये चौथो थिए। ट्रम्पका एक भाइ, फ्रेड जुनियर, र दुई बहिनीहरू छन्। उनका बुबा फ्रेड ट्रम्प धेरै अनुशासनप्रिय व्यक्ति थिए र सधैं आफ्ना छोराछोरीलाई कडा परिश्रम र ठूलो सपना देख्न प्रोत्साहित गर्थे।

बाल्यकालदेखि नै ट्रम्प व्यापार र धनमा रुचि राख्थे। न्यूयोर्क टाइम्सको रिपोर्ट अनुसार, उनले आठ वर्षको उमेरमा बुबाको व्यापारबाट वार्षिक दुई लाख डलर कमाउन थालेका थिए।

सैन्य विद्यालय र शिक्षा

ट्रम्पको शिक्षा केही विवादास्पद रहेको थियो। उनले सातौं कक्षासम्म न्यूयोर्क शहरको स्कूलमा पढाइ गरे, जहाँ उनी एक शरारती र आक्रामक बच्चा थिए। स्कुलमा साथीहरूलाई धम्की दिने र कुटपिट गर्ने ट्रम्पको प्रवृत्तिले उनका बुबा फ्रेडलाई चिन्तित बनायो, र त्यसैले उनले ट्रम्पलाई १३ वर्षको उमेरमा मिलिटरी स्कूल पठाए। यहाँ पनि ट्रम्पले नेतृत्वको गुण सिके, यद्यपि उनका सहपाठीसँगको व्यवहारमा केही सुधार भएन।

सैन्य विद्यालयबाट पढाइ सकेपछि, ट्रम्पले फोर्डहम विश्वविद्यालयमा दुई वर्ष अध्ययन गरेका थिए र त्यसपछि पेन्सिलभेनिया विश्वविद्यालयबाट रियल इस्टेटमा स्नातक डिग्री प्राप्त गरे।

पारिवारिक व्यवसायमा कदम

ट्रम्पका जेठा भाइ फ्रेड जुनियरले पारिवारिक व्यवसाय लिन अस्वीकार गरे र पाइलट बन्ने निर्णय गरे। यसकारण, १८ वर्षको उमेरमा डोनाल्ड ट्रम्पले बुबाको व्यापार सम्हाल्न थाले। ट्रम्पले परिवारको नामले न्यूयोर्कमा विभिन्न आवासीय परियोजनाहरू चलाए, र पछि आफ्नो कम्पनीको नाम ‘द ट्रम्प अर्गनाइजेसन’ राखे।

उनको व्यवसायले निकै राम्रो सफलता प्राप्त गर्यो र २५ वर्षको उमेरमा उनी ‘द ट्रम्प अर्गनाइजेसन’का अध्यक्ष बने।

अन्तर्राष्ट्रिय व्यापार र लोकप्रियता

१९७० र १९८० को दशकमा ट्रम्पले ब्रुकलिन र क्वीन्समा पारिवारिक व्यवसायको विस्तार गर्दै न्यूयोर्कमा भव्य भवनहरू बनाए। यसका साथै, उनले आफ्नो होटल चेन, क्यासिनो र गोल्फ कोर्सहरूलाई एटलान्टिक सिटी, शिकागो, लस भेगास, भारत, टर्की र फिलिपिन्समा फैलाए।

व्यक्तिगत जीवन र निर्णयहरू

ट्रम्पका जेठा भाइ फ्रेड जुनियरको मृत्यु पछि ट्रम्पले मदिरा र चुरोट त्याग्ने निर्णय गरे। यो घटनाले उनको जीवन र सोचमा महत्वपूर्ण परिवर्तन ल्यायो।

सैनिक सेवा र भियतनाम युद्ध

विवादास्पद रूपमा, ट्रम्पले भियतनाम युद्धको समयमा सैन्य सेवामा सामेल हुनबाट बच्नका लागि विभिन्न स्वास्थ्य कारणहरूको बहाना बनाएका थिए। पाँच पटक सेना भर्ती हुन अस्वीकार गरिएको थियो, र पछि अमेरिका र भियतनाम युद्धको अन्त्यसँगै अनिवार्य सैनिक सेवा समाप्त भयो।

टेलिभिजनमा नाम कमाउनु

सन् १९८० को दशकमा ट्रम्पले टेलिभिजन शोहरूमा भाग लिई लोकप्रियता प्राप्त गरे। उनले ‘मिस युनिभर्स’, ‘मिस युएसए’, र ‘मिस टिन युएसए’ जस्ता सौन्दर्य प्रतियोगिताहरू सञ्चालन गरे। त्यसपछि, उनले एनबीसीको रियालिटी शो द एप्रेन्टिस को होस्टिङ गरेर घरघरमा आफ्नो पहिचान बनाउन सफल भए।

यसरी, डोनाल्ड ट्रम्पको जीवन र करियरले उनलाई अमेरिकाको ४७ औं राष्ट्रपति बन्ने यात्रा तय गरेको छ।