ईःलाई भेट्न पुगिन् उपमेयर सुनीता डंगोल

काठमाडौँ  , असोज ९  |  काठमाडौं महानगरका उपमेयर सुनीता डंगोलले ८ दिनदेखि उभिएर विरोध जनाइरहेका सामाजिक अभियन्ता ईःलाई भेटेका छन् । मंगलबार बिहान ई:लाई भेट्न पुगेकी हुन्।

उपप्रमुख डंगोलले उभिएर आन्दोलन गरिरहेका ई: को स्वास्थ्य अवस्था बुझेकि थिइन्। उनले मागको विषयमा पहल गर्ने प्रतिबद्धता पनि जनाइन्।सामाजिक अभियन्ता ई: ले फुटपाथ व्यापारीलाई वैकल्पिक व्यवस्थापन गर्नुपर्ने माग गर्दै असोज २ गतेदेखि काठमाडौं राष्ट्रिय सभा गृह अगाडि उभिइरहेका छन्।

अन्य युवाहरूले पनि उनको आन्दोलनमा साथ दिएका छन् । काठमाडौं महानगरभित्रकाले फुटपाथ व्यवसायीलाई विकल्प विना हटाइएको लगायत विषयलाई लिएर अभियन्ता इ: १८८ घण्टादेखि राष्ट्रिय सभा गृहको गेटमा उभिइरहेका छन् ।

फुटपाथ व्यवसायीहरू विकल्प दिने नीति बनाउन आफूले प्रयास गर्ने तर आफ्नो भूमिका सीमित रहेको उपमेयर सुनीता डंगोलले बताइन ।