आयोगद्धारा प्रधानमन्त्री देउवाको डडेल्धुरा यात्रा स्थगित गर्न आदेश

काठमाडौँ १६ कात्तिक | निर्वाचन आयोगले प्रधानमन्त्री शेरबहादुर देउवाको डडेल्धुरा यात्रा स्थगित गर्न आदेश दिएको छ ।प्रधानमन्त्री देउवा सरकारी खर्चमा निर्वाचन प्रचारप्रसारका लागि डडेल्धुरा जाने तयारीमा थिए ।

प्रधानमन्त्री  आज बुधबार गृहजिल्ला डडेलधुरामा चुनावी आमसभामा सहभागी हुन धनगढी जाँदै थिए ।प्रतिनिधिसभा र प्रदेशसभा सदस्यको निर्वाचनका लागि हुने विभिन्न चुनावी कार्यक्रममा सहभागी हुनका लागि उनले बुधवार आयोगसँग अनुमति मागेका थिए ।

निर्वाचन प्रचारप्रसारमा संलग्न हुँदा सरकारी स्रोत र साधनको प्रयोग गर्न निर्वाचन (पहिलो संशोधन) आचारसंहिता, २०७९ ले रोक लगाएको छ।