प्रधानसेनापति शर्मा आज स्वदेश फर्किदै

काठमाडौँ, १८ असार । १५ दिने विदेश भ्रमण सकेर प्रधानसेनापति प्रभुराम शर्मा आज स्वदेश फर्किदैछन्।

अमेरिका भ्रमणका रहँदा प्रधानसेनापति शर्माले त्यहाँका शैनिक उच्च अधिकारीसँग भेटवार्ता गरेका छन् ।

उनले राष्ट्र संघका सैन्य सल्लाहकार जनरल बिरामे डिओप, शान्ति मामिला विभागका उपमहासचिव जिन पियरे ल्याक्रोइक्स, अपरेशन सार्पोट बिभागका उपमहासचिव अतुल खरे, राजनीति र शान्ति निर्माण मामिला बिभागका उपमहासचिव रोजमेरी डिकार्लोसँग छुट्टाछुट्टै भेट गरेका थिए।

भ्रमणको क्रममा प्रधासेनापति शर्मा लेबनान र सिरिया पुगेका थिए ।

रक्षासचिव किरणराज शर्मासहितको सात सदस्यीय टोली गत असार ४ गते लेबनान प्रस्थान गरेको थियो। त्यहाँबाट सिरिया भ्रमणमा पुगेका शर्मा असार १३ गते सिरियाबाट अमेरिका पुगेका थिए।