बजेटको सन्दर्भमा आरोपको पुष्टि गर्न चौधरी ग्रुपको चुनौती

काठमान्डौ  |चौधरी ग्रुपले बजेट निर्माणका क्रममा आफूलाई जोडेर सामाजिक सञ्जालमा आएका कुराप्रति ध्यानाकर्षण भएको जनाएको छ।ग्रुपका निर्देशक निर्वाण चौधरीले सामाजिक सञ्जाल मार्फत बजेट निर्माण प्रकृयामा कुनै चासो र सरोकार नरहेको दाबी गरेका छन् ।

‘बजेट निर्माण मामिलामा हाम्रो संलग्नताबारे बिनाआधार केही सञ्चारमाध्यम र सामाजिक सञ्जालमा टिप्पणी गर्ने महासयहरुप्रति हामी खेद व्यक्त गर्दछौँ’, उनले भनेका छन्, ‘उहाँहरुले लगाउनु भएको आरोपको पुष्टि गर्न हामी चुनौती दिन्छौँ। यसबारे छानबिन गरि सत्यतथ्य बाहिर ल्याउन हामी सम्बन्धित निकायहरूलाई आग्रह गर्दछौँ।’बजेट निर्माणमा चौधरी ग्रुपको संलग्नता कहीँ कतै पुष्टि भएमा कारवाही भोग्न तयार रहेको उनले उल्लेख गरेका छन्। ​

‘यदि हाम्रो संलग्नता पुष्टि नभएमा हामीमाथि मिथ्या आरोप लगाउनेहरू कारवाही भोग्न तयार हुनेछन् भन्ने अपेक्षा लिएका छौँ’, उनले चेतावनी दिदै भनेका छन्।