धारामशाला, भारत। दलाई लामा कार्यालयले हालसालै सार्वजनिक भएका केही सञ्चारमाध्यम र सामाजिक सञ्जालका रिपोर्टहरूमा दलाई लामा र जेफ्री एपस्टीनबीच सम्बन्ध रहेको दाबीको खण्डन गरेको छ। कार्यालयले जारी गरेको प्रेस वक्तव्यमा स्पष्ट पारिएको छ कि दलाई लामाले कहिल्यै जेफ्री एपस्टीनलाई भेट्नुभएको छैन र न त कुनै व्यक्तिलाई उहाँको तर्फबाट एपस्टीनसँग भेटघाट वा सम्बन्ध राख्न अधिकार दिनुभएको छ।
कार्यालयका अनुसार, यस प्रकारका दाबीहरू पूर्ण रूपमा असत्य छन् र दलाई लामासँग कुनै पनि प्रकारको सम्बन्ध राख्दैनन्। प्रेस वक्तव्यमा भनेको छ कि हालसालैको ‘एपस्टीन फाइल्स’ सम्बन्धी चर्चा दलाई लामासँग जोड्न खोज्ने प्रयासमात्र हुन्।
यसै सन्दर्भमा दलाई लामा कार्यालयले सञ्चार माध्यम र आम सर्वसाधारणसँग अनुरोध गरेको छ कि भ्रमपूर्ण सूचना र दाबीहरूमा ध्यान नदिइ वास्तविक तथ्यलाई मात्र आत्मसात् गरियोस्। कार्यालयले सधैं पारदर्शिता र सत्यतामा आधारित जानकारी प्रवाह गर्ने प्रतिबद्धता व्यक्त गरेको छ।
सम्पादक:
लोकेन्द्र भण्डारी
समाचार संयोजक:
सुनिल आचार्य
रिपोर्टर:
अनिता बिष्ट
सरोज वोलखे
