रवि लामिछानेविरुद्ध सर्वोच्च अदालतमा रिट दर्ता

काठमाडौं  , २० चैत |  राष्ट्रिय स्वतन्त्र पार्टी(रास्वपा) का सभापति रवि लामिछानेविरुद्ध युवराज पौडेल ‘सफल’ ले सर्वोच्च अदालतमा रिट दर्ता गराएका छन् ।

अमेरिकी नागरिक नै रहेको अवस्था नेपालको राहदानी लिएको विषयमा सभापति लामिछानेविरुद्ध पौडेलले रिट दर्ता गराएका हुन् ।

रविमाथि मुद्दा नचल्ने भनी महान्यायाधीवक्ता कार्यालयले गरेको निर्णय बदर हुनुपर्ने र उनीमाथि अनुसन्धान गरी मुद्दा चलाउने आदेश हुनुपर्ने माग युवराज पौडेल ‘सफल ‘  रहेको छ ।

उक्त रिटको पेसी भोलि (मङ्गलबार) का लागि तोकिएको छ ।