कैलालीमा छाउगोठमा सुतिरहेकी महिलामाथी बाघको आक्रमण

काठमाडौँ,  माघ १४  । कैलालीमा छाउगोठमा सुतिरहेकी एक महिलालाई बाघको आक्रमण गरेको छ । मोहन्याल गाउँपालिका–७ कुइनेमा छाउगोठमा सुतिरहेको अवस्थामा ४५ वर्षीया सरस्वती बिटालुलाई बाघले आक्रमण गरेको हो ।

आफ्नै घर नजिकै छाउगोठमा सुतिरहेको अवस्थामा माघ १३ गते करिब राति साढे दश बजेतिर उनलाई बाघले आक्रमण गरेको हो । छाउगोठ वरपरका मानिसको हल्ला र बिजुलीको उज्यालो भएपछि बाघ भागेको थियो।उनको टाउकोमा रअनुहारमा घाउ बनाएको छ ।

आज बिहान उपचारका लागि उनलाई लम्की लागिएको छ ।उनका श्रीमान् रोजगारीका लागि भारतमा रहेका छन् ।