काठमाडौं – नेपाल र ओमानबीच पर्यटन सहकार्यलाई प्रवर्द्धन गर्ने उद्देश्यले पर्यटन समझदारीपत्र (एमओयू) मा हस्ताक्षर गरिएको छ। उक्त समझदारीले दुवै देशबीच पर्यटन आदानप्रदान वृद्धि गर्ने र द्विपक्षीय लगानीका अवसरहरूलाई प्रवर्द्धन गर्ने विश्वास गरिएको छ।
नेपालका प्रतिनिधि तथा ओमानका सम्पदा तथा पर्यटन मन्त्री महामहिम सलीम बिन मोहम्मद अल महरूकीबीच सम्पन्न बैठकमा दुई देशबीचको पर्यटन सहयोग विस्तारका सम्भावनाहरूबारे छलफल भएको थियो। नेपाल-ओमान सम्बन्धलाई अझ प्रगाढ बनाउन तथा पर्यटन प्रवर्द्धनका विविध उपायहरूबारे विचार विमर्श भएको जानकारी प्राप्त भएको छ।
सम्झौताअनुसार, नेपाल र ओमानबीच पर्यटनसम्बन्धी लगानी अभिवृद्धि गर्न, संयुक्त परियोजनाहरू अघि बढाउन तथा दुवै देशका नागरिकलाई पर्यटन सहजीकरण प्रदान गर्न आवश्यक पहल गरिनेछ।
यस समझदारीले नेपाल-ओमान पर्यटन सम्बन्धलाई नयाँ उचाइमा पु¥याउने विश्वास लिइएको छ। दुवै पक्षले सहकार्यलाई प्रभावकारी बनाउन प्रतिबद्धता व्यक्त गरेका छन्।
सम्पादक:
लोकेन्द्र भण्डारी
समाचार संयोजक:
सुनिल आचार्य
रिपोर्टर:
अनिता बिष्ट
सरोज वोलखे
