सुनको भाउ घट्यो

काठमाडौँ, १७ बैशाख । साताको दोस्रो कारोबार दिन सुनको भाउमा गिरावट आएको छ । उक्त दिन सुन प्रतितोला ४ सय रुपैंयाले घटेको हो ।

नेपाल सुन–चाँदी व्यवसायी महासंघका अनुसार आज प्रतितोला १ लाख ३७ हजार २०० रुपैयाँ कायम भएको छ भने तेजावी सुनको मूल्य प्रतितोला १ लाख ३६ हजार ५५० रुपैयाँमा कारोबार भइरहेको छ ।

अघिल्लो दिन आइतबार छापावाल सुन प्रतितोला १ लाख ३७ हजार ६०० रुपैयाँमा कारोबार भएको थियो भने तेजावी सुनको मूल्य तोलाको १ लाख ३६ हजार ९५० रुपैयाँमा कारोबार भएको थियो। आज चाँदीको मूल्य ५ रुपैयाँले बढेर १ हजार ६६५ रुपैयाँमा कारोबार भइरहेको छ ।