राष्ट्रियसभा निर्वाचन:दल दर्ता गर्ने आज अन्तिम दिन

काठमाडौँ, मङ्सिर २९   । राष्ट्रियसभा सदस्य निर्वाचनका लागि दल दर्ताका लागि दिएको समय आज सकिँदै छ । निर्वाचन आयोगले माघ ११ गते हुने राष्ट्रियसभा सदस्य निर्वाचनका लागि दल दर्ता गर्न आज सम्म समय तोकेको थियो ।

निर्वाचनमा सहभागी हुन चाहने दलले आज सम्म  दल दर्ता गरिसक्नुपर्ने आयोगले जनाएको छ। मंसिर २४ देखि २९ गतेसम्म दल दर्ता गर्न  समय तोकेको थियो ।

एमाले, माओवादी , राप्रपा, जनमत पार्टी र नेमकिपा, जसपा, लोकपा नाउपा  दलले दर्ताको निवेदन दिसकेका छन् ।

माघ ११ गते राष्ट्रियसभा सदस्यका लागि निर्वाचन  निर्वाचन हुँदैछ ।