भारतीय दूतावासले २० करोड खर्च गर्ने मापदण्ड र प्रक्रिया हुन्छ : प्रधानमन्त्री

काठमाडौँ, पुस २०। प्रधानमन्त्री पुष्पकमल दाहाल प्रचण्डले नेपालस्थित भारतीय दूतावासले २० करोड रुपैयाँसम्मको योजनामा आफूखुसी खर्च गर्न नपाउने बताएका छन् । जसरी मन लाग्यो त्यसरी आफूखुसी खर्च गर्न  पाउँदैन्  यसको प्रकिया हुन्छ  उनले भनेका छन् ।  राज्यव्यवस्था समितिको बैठकमा सांसदहरुको प्रश्नमा उनले यस्तो जवाफ दिएका हुन् ।

उनले नेपाललाई दिन सम्झौता गरेको २० करोड रकम खर्च गर्ने मापदण्ड र प्रक्रिया रहेको बताए। उनले भने, ‘भारतले जहाँ पायो त्यहीँ लगानी गर्ने या जसरी मन लाग्यो त्यसरी गर्ने भन्ने त छैन । त्यस्को प्रक्रिया छ । नगरपालिकाभित्र कुन प्रक्रियाबाट गर्न सक्ने, गाउँपालिकाबाट भित्र या अन्य, त्यो प्रक्रियाबाट गएरमात्रै हुन्छ ।’