प्रहरी समायोजनको प्रक्रिया छिटो टुङ्ग्याउन प्रधानमन्त्रीको निर्देशन

काठमाडौँ, माघ ३ । प्रधानमन्त्री पुष्पकमल दाहाल ‘प्रचण्ड’ले प्रहरी समायोजनको प्रक्रिया छिटो  टुङ्ग्याउन निर्देशन दिएका छन् । बुधवार बिहान बालुवाटारमा भएको प्रहरी समायोजनको प्रक्रिया टुङ्ग्याउन बोलाएको बैठकमा उपप्रधान तथा गृहमन्त्री नारायणकाजी श्रेष्ठ, सङ्घीय मन्त्रीहरू, गृहसचिव दिनेश भट्टराई मुख्यसचिव डा। वैकुण्ठ अर्याल, नेपाल प्रहरीका महानिरीक्षक वसन्त कुँवर, गृह मन्त्रालयका अधिकारीहरू सहभागी थिए । प्रधानमन्त्री ‘प्रचण्डले प्रहरी समायोजनको प्रक्रिया १५ दिनभित्र टुंग्याउन निर्देशन दिएका छन् ।

संघीयता कार्यान्वयन नहुँदा एकातर्फ प्रदेशका मुख्यमन्त्री र प्रदेश सरकारका काम प्रभावित भएको र त्यसको प्रत्यक्ष प्रभाव प्रदेशहरूलाई परिरहेको प्रधानमन्त्री प्रचण्डले   बताए ।

प्रधानमन्त्री प्रचण्डले संघीय कानुन नबन्दा र प्रहरी समायोजनको प्रक्रिया नटुंगिँदा प्रदेशलाई काम गर्न अप्ठ्यारो परेको बताए ।