प्रतितोला २ हजारले बढ्यो सुनको मूल्य

काठमाडौँ  , २० वैशाख । नेपाली बजारमा सुनको मूल्य बढेको छ । नेपाल सुनचाँदी व्यवसायी महासंघका अनुसार आज छापावाला सुन प्रतितोला १ लाख ३६ हजार ५ सयमा कारोबार भइरहेको छ। बुधबार प्रतितोला १ लाख ३४ हजार ५ सय रुपैयाँमा सुनको कारोबार भएको थियो ।

आज तेजाबी सुन प्रतितोला एक लाख ३५ हजार आठ सय ५० रूपैयाँमा कारोबार भइरहेको छ। बुधबार तेजाबी सुन प्रतितोला एक लाख ३३ हजार आठ सय ५० रूपैयाँमा कारोबार भएको थियो।

बुधबार चाँदी प्रतितोला १६ सय ३० रूपैयाँमा कारोबार भएको चाँदी आज चाँदी प्रतितोला १६ सय ४५ रूपैयाँमा कारोबार भइरहेको छ।