नेप्सेको कारोबार प्रणाली तीन दिनसम्म बन्द रहने

काठमाडौँ, ५ माघ ।  नेपाल स्टक एक्सचेन्ज (नेप्से) को कारोबार प्रणाली ३ दिनसम्म बन्द हुने भएको छ। नेप्सेले हिजो बिहीबार एक सूचना जारी गर्दै नेप्सेको कारोबार प्रणाली ३ दिन बन्द रहने जानकारी दिएको हो।

दोस्रो चरणको विद्युत मर्मतसम्भार कार्यका लागि माघ ४ गते बिहीबार साँझ ५ बजेदेखि माघ ६ गते शनिबार राति ११ बजेसम्म नेप्सेको कारोबार प्रणाली बन्द रहने नेप्सेले जानकारी दिएको छ ।

यसअघि पनि विद्युत मर्मतसम्भारका लागि गत पुस २६ गते बिहीबार साँझ ५ बजेदेखि पुस २८ गते शनिबार राति ११ बजेसम्म नेप्सेको कारोबार प्रणाली बन्द रहेको थियो ।