देशभर मतगणना जारी: रास्वपा अघि, अन्य दल प्रतिस्पर्धामा

काठमाडौं । प्रतिनिधि सभा सदस्य निर्वाचन २०८२ अन्तर्गत जारी मतगणनाको पछिल्लो विवरणले विभिन्न राजनीतिक दलहरूको स्थिति क्रमशः स्पष्ट हुँदै गएको देखाएको छ। प्राप्त प्रारम्भिक परिणामअनुसार राष्ट्रिय स्वतन्त्र पार्टीले सबैभन्दा बलियो उपस्थितिसहित अग्रता कायम गरेको छ। उक्त दलले हालसम्म ५५ निर्वाचन क्षेत्रमा अग्रता लिँदै १ स्थानमा विजय हासिल गरेको जानकारी प्राप्त भएको छ।

त्यसैगरी नेपाली काँग्रेस  ९ निर्वाचन क्षेत्रमा अग्रस्थानमा रहेको छ भने नेकपा एमाले ४ क्षेत्रमा अघि रहेको देखिएको छ। नेपाली कम्युनिष्ट पार्टी ३ क्षेत्रमा अग्रता कायम गर्न सफल भएको प्रारम्भिक विवरणमा उल्लेख गरिएको छ।

यसैबीच राष्ट्रिय प्रजातन्त्र पार्टीले १ क्षेत्रमा अग्रता लिएको छ भने श्रम संस्कृति पार्टीले पनि १ क्षेत्रमा आफ्नो उपस्थिती देखाएको छ। अन्य दल वा स्वतन्त्र उम्मेदवारहरूले भने हालसम्म उल्लेखनीय अग्रता प्राप्त गर्न सकेका छैनन्।

मतगणना प्रक्रिया देशभर निरन्तर जारी रहेकाले आगामी घण्टाहरूमा परिणाम थप स्पष्ट हुँदै जाने निर्वाचन अधिकारीहरूले बताएका छन्। प्रारम्भिक नतिजाले आगामी राजनीतिक समीकरणबारे नयाँ संकेत दिन थालेको विश्लेषण पनि भइरहेको छ।