दार्चुलामा यात्रुबाहक बस दुर्घटना , १५ जना घाइते

दार्चुला ५ माघ |  दार्चुलामा यात्रुबाहक बस दुर्घटना भएको छ । दुर्घटना हुँदा १५ जना घाइते भएका छन् । घाइतेहरुमध्ये दुई जनाको अवस्था गम्भीर रहेको छ । आज बिहान ६ बजे सदरमुकाम खलंगाबाट महेन्द्रनगरतर्फ जाँदै गरेको सु।प।प्र।०२ ००१ ख १०३१ नम्बरको बस महाकाली नगरपालिका – ५ मा दुर्घटना भएको हो ।

घाइतेहरुको जिल्ला अस्पताल दार्चुलामा उपचार भइरहेको छ । बस सडकबाट करिब २० मिटर तल खसेको र दुर्घटनाको थप विवरण आउँन बाँकी रहेको छ ।