क्रिकेटर लामिछाने विरुद्धको मुद्दाको सुनुवाई आजपनि स्थगित

काठमाडौँ ,असोज २५  – क्रिकेटर सन्दीप लामिछाने विरुद्धको जबरजस्ती करणीको मुद्दाको पेसी बिहीबार पनि स्थगित भएको छ। काठमाडौं जिल्ला अदालतमा बिहीबारका लागि तोकिएको मुद्दाको सुनुवाइ न्यायाधीश अभावका कारण स्थगित भएको हो ।

असोजमा दुई पटक पेसी चढे पनि स्थगित हुँदै आएको थियो । सर्वोच्च अदालतले गत १५ फागुनमा नै चाँडो फैसला गर्न आदेश दिएको थियो । न्यायाधीश सपना प्रधान मल्ल र कुमार चुडालको संयुक्त इजलासको प्रक्रिया अवलम्बन गरी छिटो कारबाही किनारा गर्नू भनी आदेश दिएको थियो।

२०७९ कात्तिक १४ गते काठमाडौँ जिल्ला अदालतमा दर्ता भएको लामिछानेविरुद्धको जबरजस्ती करणी मुद्दा हालसम्म २८ पटक पेसीमा चढिसकेको छ ।